سلطة السيزر........بالصور

*

أنا باعرف ناس كتير بتروح محلات معينة علشان تاكل سلطة السيزر بالرغم من إنك لو عمليتها في البيت مش هتاخد منك وقت خالص وكمان مش هتكلفك كتير لأن مكوناتها بسيطة جدًّا...

المقادير:

• خس كابوتشا.



• عصير ليمونة.



• معلقة مستردة.



• ملح وفلفل.



• زيت زيتون.



• زيت ذرة أو زيت عباد الشمس.



• قطعتين أنشوجة.



• شريحة توست محمص.



• بيضة مسلوقة.



• جبنة بارميزان.



• 4/1 كوب كريمة.






الطريقة:



• أول حاجة هاقطع الخس في طبق وعلى فكرة هاقطع الخس بإيدي علشان أحافظ على الفيتامينات اللي فيه.

• بعد كده هعمل الصوص الخاص بالسلطة وهو عبارة عن "خل + زيت ذرة أو زيت عباد الشمس + زيت زيتون + ملعقة مستردة + عصير الليمون + الملح + جبنة بارميزان" وهاضربهم مع بعض في الخلاط.. وبعد كده هاضيف عليهم ربع كوب كريمة وهضربهم مع بعض مرة كمان.

• بعد كده نحط الصوص المضروب في الخلاط على الخس المتقطع وفى الآخر نحط عليهم شرائح الأنشوجة والبيض المسلوق وعيش التوست المحمص...

ده الشكل النهائي للطبق السلطة... وبالهنا والشفا