شوربة الطماطم .............بالصور

*

المقادير:







• نص كيلو طماطم.

• عدد 1 بطاطس.

• عدد 1 جزرة.

• عدد 1 بصلة.

• عدد 2 كرات.

• شوربة فراخ.

• ملح /فلفل /زعتر.

الطريقة:

• هقطع البطاطس والجزر والبصل والكرات بطريقة عشوائية.

• بعد كده هجيب حلة وهحط فيها ملعقة زبدة وهشوح كل الخضروات المتقطعة فيها وهضيف إليها شوية ملح وفلفل وبهارات...بعد كده هقطع الطماطم قطعا كبيرة وأضيفها إلى الخضروات السابقة وأسيبها على النار لمدة خمس دقائق وبعد كده هضيف إليها شوربة الفراخ وهسيبهم على النار لغاية ما كلهم يستوا مع بعض.

• بعد الشوربة ما تستوي هطفي البوتوجاز وهسيبها علشان تبرد وبعد كده هضربها في الخلاط وبعد كده أصفيها بالمصفاة في حلة وبعدها هسخنها على البوتوجاز مرة كمان..

• بعد ما الشوربة تغلي هحطها في طبق التقديم

ده الشكل النهائي لطبق شوربة الطماطم وعلى فكرة ممكن تزيني الطبق بشوية كريمة من على الوش...وبالهنا والشفا