موزة البتلو بالليمون المخلل والأرز بالفلفل الملون وحبة البركة ..... بالصور

*

المقادير:





• كيلو لحمة موزة بتلو.

• ملعقة حبهان ناعم.

• مستكة.

• 2 بصلة.

• أرز.

• فلفل ملون.

• حبة البركة.

• أوراق بقدونس للتزيين.

• ليمون مخلل.



الطريقة:


• أول حاجة هقطع اللحمة قطعا صغيرة وهرش عليها الحبهان الناعم والملح والفلفل.





• بعد كده هجيب حلة فيها زبدة وهسيح فيها حبوب المستكة، بعد كده هضيف إليها اللحمة علشان تتشوح، وهقطع البصل شرائح وهضيفها إلى اللحمة وأقلبهم مع بعضهم،وبعد كده هسيبهم على النار لغاية ما يستوا مع بعض.

• هجيب البصلة التانية وهقطعها إلى قطع متوسطة الحجم وبعد كده هجيب الفلفل الرومي والأحمر والأخضر والأصفر وأقطعهم قطعا متوسطة الحجم وبعد كده هشوحهم بزيت وزبدة مع بعض على النار لمدة خمس دقائق.

• بعد مرور الخمس دقائق هضيف إليهم شوية حبة البركة مع 2 كوب أرز وأقلبهم كويس لمدة عشر دقائق وبعد كده هضيف 2 كوب ماء بنفس مقادر كوب الأرز وهسيب الأرز لغاية ما يستوي.

• هجيب طبق التقديم وهحط فيه الأرز وعليه اللحمة والليمون المخلل وأزين الطبق بأوراق البقدونس.

ده الشكل النهائي لطبق موزة البتلو بالليمون المخلل والأرز بالفلفل الملون وحبة البركة.