آيس كريم ببسكويت الشوكولاتة .......بالصور

*

طبق الحلو ده طبق مناسب جدا للحر اللي احنا فيه وهو طبق "آيس كريم ببسكويت الشوكولاتة"






المقادير:








• 400 جرام شوكولاتة مطبخ "هتلاقيها في السوبر ماركت"





• بسكويت أي نوع.• نص كوب كريمة.





• آيس كريم فانيليا جاهز من أي سوبر ماركت.





• معلقتين كراميل












الطريقة:





• هحط الشوكولاتة في حلة صغيرة وهضيف إليها نص كوب كريمة وهحطهم على نار هادية لحد ما الشوكولاتة تسيح وتدوب خالص.






• بعد كده هجيب قالب وهحط فيه بلاستيك شفاف وأفرد البلاستيك بحجم القالب وهحط عليه الشوكولاتة السايحة.

• هبتدي أكسر البسكويت على الشوكولاتة في القالب.

• بعد كده هجيب الآيس كريم الجاهز وأحطه على البسكويت وأقفل القالب بباقي البلاستيك وأدخله الفريزر لمدة خمس ساعات علشان يتجمد.

• هطلع القالب من الفريزر وأشيل من عليه الكيس واحط محتويات البسكويت بالشوكولاتة بالآيس كريم في طبق وأقطعه إلى قطع متوسطة الحجم وهحط كل قطعتين في طبق وأحط عليهم معلقتين كراميل.

ده الشكل النهائي لطبق آيس كريم ببسكويت الشوكولاتة....وبالهنا والشفا