طريقة عمل الخبز الفرنسي
*
طريقة عمل الخبز الفرنسي
جبت لكم وصفة رغيف فرنسي
مالهوش حل....
ناشف مقرمش من بره
وزى القطنة من جوه
المقـــــادير
لعمل أتنين رغيف
أنا عملت نص المقدار لعمل رغيف واحد
من 5 إلى 5وربع كوب دقيق
5 معالق صغيرة خميرة
1 1/2 معلقة صغيرة ملح
2 كوب ماء دافئ
1 معلقة صغيرة كورن ميل
بياض بيضة + 1 معلقة كبيرة ماء لدهان الوجه ( أنا أستعمل بيضة كاملة)
الطريــــــقة
فى وعاء عميق نخلط 2 كوب دقيق مع الخميرة الجافة مع الملح ويقلبوا جيدا مع بعضهم
ثم نضع معهم الماء الدافئ كله ويخلطوا جيدا
ثم نضيف باقي الدقيق ونستمر بالعجن
ثم نرش سطح بالدقيق على خفيف
ونعجن ونستمر حتى نحصل على
عجينة قوية ومتماسكة ومطاطية
وتترك لتختمر في وعاء مدهون بالزيت
قبل التخمر
وبعد التخمير
حوالي ساعة
نعجن العجينة خفيف لإخراج الهواء منها
وتفرد بواسطة النشابة على شكل مستطيل
وتلف على بعضها أسطوانة
ثم نرش صينية بالزيت ونرش عليها الكورن ميل
أنا الحقيقة ما كانش عندي فرشيته بالردة
ونعمل فيها خطوط مائلة بسكين حاد
وتترك لتختمر حوالي 40 دقيقة
وهنا شكلها بعد التخمر التانى
تدهن بخليط بياض البيض والماء أنا استخدمت البيضة كلها لأنها تعطى لون أحلى
تخبز فى فرن حار 375 فهرنهايت
أو 190 مئوية لمدة 20 دقيقة ثم ندهن الوجه
مرة أخرى بخليط البيض وتدخل الفرن تأنى حوالي
15 أو 20 دقيقة أخرى
لو خايفة على الوش يتحرق بزيادة ممكن تحطى عليه ورق فويل على الوش بس مش تلفى الرغيف فيه وده طبعا بيكون بعد أول 20 دقيقة
وده شكله أول ما طلع من الفرن
يترك جانبا ليبرد
لمعرفة نجاح العملية لو خبطتى بصوابعك على
الرغيف بعد ما يبرد هتلاقيه زى ما تكونى بتخبطي على باب خشب بس جواه فاضي...فاهمين حاجة
يعنى كأنك بتخبطي على شئ مجوف
وده شكله من جوه
بسم الله ما شاء الله
يقطع شرائح بالسكين الكهرباء
صورة أخرى
يم يم عليه بالزبدة والعسل
أو تعملية خبز بالثوم يا سلااااااام
